Opus Sanctus Spiritus ~ عمل الروح القدس

وبينما كنت ساجدة أمام القربان المقدس، تأملتُ:
قدام مشهد هلقد مليان حب، سلام، أمان، إيمان، حنان، رجاء، ثقة، تسامح، فرح، راحة…
بيخليني عيش شو قالت القديسة تريز *يسوع بحبني كأن أنا لوحدي بالعالم*
اي، يسوع حبس حالو بقربانة، ببيت صغير وبشعاع، ناطرني
هل مشهد مش بس بيحسسني بالحب، بعيشني الحب وبيعديني حب
مشهد مش مشهد عادي، مشهد قلب عم ينبض حب، عم ينبض حياة، عم ينبض سلام،…
هل مشهد الوحيد لي بتمنا إنو يوقف الزمن عندو لان بصير بمكان غير الارض، بصير بقلبو، وبدي عيش بقلبو وحدو…
بخليني اتأمل إنو الله خلق العلم كرمالي
انحبس كرمالي
مات كرمالي، قد ما بحبني
بس قام لأن بحبني وما بدو يتركني…
وشو بحب قضي حياتي هون، قدام هل مشهد، لي بيسمع قلبي وبيفهمو حتى وقتا كون أنا مش فاهمتو ولا فاهمي على حالي ولا عارفة شو بدي او كيف بدي، لي بعرفو إنو بيعرفني، بيعرفني من جوا، بيفهمني، بيحمني، بيحميني وهوي عطول معي وين ما كون…

بيكفيني اجي زورو كل يوم ولو حتى دقيقة، بحس بقوة عظيمة ومش أرضية
بحس بفيتامينات السما كلا بجسمي، مقويتني بالحب والرجاء…
بحس بأمي العذراء، وبالبي يوسف،
بحس بالملايكة، وبالقديسين
بحس بالسما قريبة…

*قدام مشهد الحب الحقيقي بيصير اللقاء بين يسوعي حبيبي وبيني أنا عروستو الصغيرة*
*قدام القربان بينبض القلب حب وبيلتقى هل الإنسان بخالقو لي جبلو من تراب وحب واختارني كون بنتو لي شايفني ومش شايف حدا غيري*

*بحبك يا إلهي رح ابقى حبك للأبد ودايما رح اشكرك*
فأنت وحدك تكفيني… لأنك بتهتم فيي أكتر مني… وبتعرف شو بدي وشو ناقصني  وقتا كون ناسيا حال….