Opus Sanctus Spiritus ~ عمل الروح القدس

*خلو الفرح بقلبكم*
شو ما صار وقد ما يُصعب المسار
لان بالفرح… منعرف نفكر… منعرف نحل… منعرف نحب… والأهم انو رح نقدر نشوف يسوع…

بينما بالغضب… كل شي غير وأصعب…
وقت الغضب… من بطل قاشعين قدّامنّا… منحكي حكي مِئذي وما مننتبه… منجرح… من دمّر… من بطل نفكّر صح… منفكّر بأنانيّة… لأن الغضب سيطر… والضياع بلّش يكتر…
ووقت من روق… منرجع منندم… *وياريت ما حكيت* من قول
بينما بالفرح منعرف شو نقول أو كيف نقول او ليش نقول…
بالفرح قادرين نسمع صوت الله رغم الضجه والعجقة…
السلام ببّلش ببسمة… والبسمة بتبدا بفرحة… والفرحة مصدرها واحد، هو *الحب* والحب عندو إسم واحد، واسمو *يسوع*
مع يسوع، بتكبّر الفرحة رغم كِبِر التجارب والصعوبات…
من صير قادرين نشوف يسوع وين ما كان وبعيون طفل صغير
بالفرح والبسمة الناس رح يشوفو وجك فينا يا رب…
ويمكن ببسمة، وأكيد ببسمة… قادرة ترد خواريف كتير على بيتها، ضاعت من زمان كتير من ورا ظلم الخطيّة…
البسمة، الفرح، الحب، يسوع…
البسمة قادرة تلمس جروح…
وتجدد نفوس…
البسمة قادرة تبّشر بيسوع…
وتساعد موجوع…
البسمة قادرة تِعْدي فرح الرب…
لأن البسمة قادرة تشفي الغضب…
كيف؟
وقت شخص يكون معصّب… ويشوف شخص والابتسامة على وجه… من دون ما ينتبه هل الشخص الغاضب رح يبتسم وينسى غضبو لأن الفرح أقوى من الغضب… لأن الفرح هو السلام… هو يسوع… ملك السلام وسيّد الأكوان…
بالفرح قادرين نصبّر وننطر الله… ننطر أجوبتو بوقتو… بالفرح قادرين نسيطر على الضياع… لأن بالفرح قادرين نحكي الله عن كل ضياع ونفهم مشروعو إلنا… لأن بالفرح قادرين نسلّم ذاتنا ومستقبلنا وكل شي فينا ل الله…
وقت تعصّب… سلّم غضبك وحزنك ل الله وطلوب منّو يحوّلو لفرح من عندو… فرح حقيقي نابع من القلب…
البسمة هي صلاة من أجمل الصلوات
والدمعة هي صلاة جريئة
والفرح هو صلاة
كل شي هو صلاة…
أنت عليك بس تسلّم للرب… وهو بيهتم مش بس بالباقي… بيهتم بكل تفصيل حتى التفصيل لي مانك شايفو….

*الفرح صلاة وكلماتُها بسمة مقدسة*