Opus Sanctus Spiritus ~ عمل الروح القدس

*أنا هو الطريق والحق والحياة*
نعم يا رب،
بضياعنا بهل دني،
شو ما كان الضياع، ضياع بالشغل، ضياع بالإختصاص بالجامعة، ضياع بدعوتي، ضياع بحيلا قرار بحياتي، ضياع بأبسط الأمور بيومياتي،…
يا رب، وقت سألك توما: لا أعرف إلى أين نذهب، فكيف نعرِفُ الطريق؟
كان جوابك لإلو ولكل حدا فينا اليوم ضايع: *أنا هو الطريق والحق والحياة*…
نعم يا رب، اليوم منوضع ضياعنا بين إيدك…
تنمشي طريقك ونعرف الحق ونختار الحياة معك، لو مش فاهمين كتير، ولو حتى مش عارفين ل وين او اي طريق، يا رب خليك إنت طريقنا الوحيدة، لأن معك من دون ما نسأل منمشي بأمان وبسلام وبرجاء وبقيامة وبفرح وبحب وبثقة…
يا رب رغم ضيعنا، ووجعنا وحيرتنا، خليك طريقنا، لأن قدام كل قرارات الحياة ما رح نعرف نختار إلا طريقك لي بتوصلنا لعندك لأنك ماشي عطول معنا…
بسلمك يا رب طريق حياتي، خلي إرادتك ومشيئتك يكونو مسؤولين هل طريق، وإنت يا رب، كون سيد هل طريق، مع امنا العذراء والقديسة تريزيا الطفل يسوع، والقديسة ريتا ومع الملايكة والسما كلها نمشي سوا هل طريق، وحتى لو وقعنا، نرجع نوقف أقوة من قبل وبإيمان أقوى…
إلك المجد والشكر والتسبيح ولك طريق حياتي، الآن وإلى الأبد…